Este é o blog de dinamización lingüística que facemos dende a biblioteca do CEIP Outeiro das Penas, o colexio de Cesantes (Redondela).

22 de noviembre de 2017

AXUDANTES BIBLIOTECA 2017/18




Como en cursos anteriores,solicitamos a colaboración das nenas e nenos interesados en axudar aos mestres durante os recreos.
As alumnas/os recibiron unha formación e asinaron o contrato de axudantes para o presente curso.
Establecéronse os seguintes turnos:
Luns: Iria,Marta,Andrea,Lara e Ariana de 5º B.
Martes: Brian,Sheila,Daniela,Lucía,Ana e Alba de 6º A.
Mércores: Paula,Nayra, e Carmen de 5º B.
Xoves: Iria,Antía e Estela de 6º B e Alex e Paulo de 5º B.
Venres: Lucía,Jessica,Silvana,Óscar e Javier de 5º A.

GRAZAS A TODAS/OS POLA VOSA COLABORACIÓN!!!














MOCHILAS VIAXEIRAS 17/18



Xa están circulando as mochilas viaxeiras!!
O pasado 5 de outubro repartíronse aos primeiros lectores,que representaban a cada unha das aulas do noso cole.
Como tódolos anos esperamos que sexan do voso agrado e as disfrutedes en familia.

18 de octubre de 2017

TALLERES INTERNIVEIS

Os talleres interniveis xurden coma unha proposta didáctica multidisciplinar onde todo o alumnado do centro se mestura e organiza na realización de 10 talleres simultáneos para un enriquecemento mútuo do proceso de ensinanza - aprendizaxe. Para saber máis clica na seguinte imaxe:


https://ceipouteiropenas.wixsite.com/talleresinterniveis

22 de junio de 2017

A palabra máis fermosa do "MAR"

Despois das votacións feitas no colexio a palabra máis fermosa do mar resultou ser Marusía. Grazas polas vosas aportacións

29 de mayo de 2017

Música no cole

O pasado venres visitou o noso cole o grupo "o viravai" co seu libro disco "As andanzas de Paio". Moitas grazas a tod@s el@s. Fai clic na imaxe para ver un resumo.
https://www.youtube.com/watch?v=TG6sevBBjEo

18 de mayo de 2017

Festival das Letras Galegas

Aquí tedes as fotos do Festival das Letras Galegas.  Clica na primeira imaxe para ver os vídeos e nas seguintes para ver as fotos de cada sección.

http://musicascativas.wixsite.com/letrasgalegas2017

                                       
PRESENTADORES E PÚBLICO



                                          EDUCACIÓN INFANTIL




1º PRIMARIA


2º PRIMARIA


3º PRIMARIA
4º PRIMARIA
5º PRIMARIA
6º PRIMARIA
ACTUACIÓN NAIS E PAIS



Recreos de conto "A galiña azul"

A semana previa ás letras galegas os alumnos de 5º de Primaria representaron con títeres a obra " A galiña azul" de Carlos Casares . Os asistentes desfrutaron moito con este conto que mesmo se lles fixo curto e pediron que fixeran outro conto. Que ben o fixeron!! Non nos estraña que os nenos e nenas quedaran con ganas de máis.

Fai clic para ver as fotos

http://www.kizoa.es/Editar-Videos-Movie-Maker/d114377647k4564955o1l1/a-galia-azul

10 de mayo de 2017

Obradoiros de Carlos Casares na biblio

A semana previa ao Día das Letras Galegas organizamos dous obradoiros do autor homenaxeado este ano, Carlos Casares Mouriño. Unha das actividades que fixemos foi un medallón ben chulo coa "galiña azul" unha das personaxes ben coñecidas que da nome a un dos seus libros . Os nenos e nenas tamén fixeron uns quebracabezas coas portadas dalgúns libros deste polifacético autor.

Os vindeiros días teremos tamén recreos de conto, nos que os alumn@s de 5º de Primaria farán unha representación de " A galiña azul". Estade pendentes!!

Fai clic na imaxe para ver as fotos.

http://www.kizoa.es/Editar-Videos-Movie-Maker/d112252531k3256369o1l1/obradoiros-carlos-casares

8 de mayo de 2017

Jaureguizar visita o Outeiro

O venres 5 de maio visitounos Jaureguizar, o autor de "Os sabuxos divírtense no Museo Prohibido". Neste libro o autor transpórtanos a un universo de intriga e maxia a través de Nica,a detectivesa que se adica a resolver misterios coa axuda dos seus amigos"os sabuxos".

Os alumn@s de 5º e 6º de Primaria escoitaron moitas das anécdotas contadas polo autor e puideron facerlle moitas preguntas sobre os seus libros e a súa paixón por escribir. 

Jaureguizar quedou encantado cos carteis que lle prepararon os alumn@s.Moitas grazas pola  visita.

Fai clic na imaxe para ver as fotos.

http://www.kizoa.es/Editar-Videos-Movie-Maker/d111773449k6038131o1l1/jaureguizar-no-outeiro

2 de mayo de 2017

Maios no prato

Un ano máis para festexar a Festa dos Maios e darlle así a benvida á primavera organizamos a exposición "Maios no prato", esa versión do maio en miniatura nun prato. Todos os anos as vosas achegas son realmente espectaculares , pero de verdade que non deixades de sorprendernos, moitísimas grazas pola vosa participación, entusiasmo e como non, a vosa " ARTE".

Para ver as fotos fai clic na imaxe








30 de abril de 2017

Apadriñamento lector

Tralo éxito doutros anos o venres pasado volvemos a desfrutar dunha mañá de apadriñamento lector con motivo da semana do libro. Coma ben sabedes nesta actividade os alumn@s de cursos superiores apadriñan a un alumn@ dos cursos inferiores para lerlle un conto. Por iso para poder ser bos padriños e madriñas o día anterior os maiores visitan aos máis pequenos para coñecerse mutuamente e saber dos seus gustos.

Que paisaxe máis bonita todas as nenas e nenos lendo xuntos nun día de sol!! Bo traballo padriños e madriñas!!!

Fai clic na imaxe para ver as fotos.

http://www.kizoa.es/Editar-Videos-Movie-Maker/d111550543k6131339o1l1/da-do-libro-2017

27 de abril de 2017

María Canosa visita o Outeiro

Hoxe 27 de abril tivemos a sorte de recibir no noso cole a autora de "Rubicundo", libro que o alumnado de 3º e 4º de Primaria traballou durante este curso. A súa presenza permitiunos afondar en todas esas curiosidades que se atopan detrás do traballo da elaboración dun libro: de onde partiu a túa inspiración?Por que o nome de Rubicundo?Cómo imaxinabas a Erea?...

María compartiu con nós os seus pequenos segredos e deixounos ansiosos por descubrir o seu novo libro: "A cazadora de estrelas".
E que mellor regalo que agasallar a cada neno/a cunha mensaxe personalizada que fará do seu libro algo único.

Moitas grazas María

Fai clic na imaxe para ver as fotos
 
http://www.kizoa.es/Editar-Videos-Movie-Maker/d109420141k3570525o1l1/mara-canosa-no-outeiro



25 de abril de 2017

Visita de Jacobo Fernández

O 21 de abril visitou o Outeiro o escritor e ilustrador Jacobo Fernández, autor de "Marcopola". Os alumnos de 1º e 2º de Primaria desfrutaron das historias de Marcopola, esa illa remeira perdida no océano e os seus amigos. Despois desta visita, e de mergullarse na lectura de Dragoneta os nenos e nenas están desexando ler a 4º entrega " Avoa Power" da que nos deu algún adianto.

E que mellor forma de rematar a sesión que cunha firma de libros!!

Moitas grazas Jacobo

Fai clic na imaxe para ver as fotos 

https://www.youtube.com/watch?v=K3Y2osQ05ec&feature=em-upload_owner



20 de abril de 2017

Sesión de contacontos con Iago López

O mércores visitounos Iago López, autor de " O cociñeiro Martiño", unha divertidísima historia coa que as nenas e nenos de 1º e 2º de Primaria desfrutaron moitísimo, xa que este simpático autor recreou o conto coa axuda dalgúns alumn@s e mesmo dun profe.Iso sí!!!Quedamos con fame, tanto biscoito e caldiño...

Fai clic na imaxe para ver as fotos.

https://www.youtube.com/watch?v=VKkijyBvtjg&feature=em-upload_owner

6 de abril de 2017

Pinto e Chinto. " Nicomedes o Pelado".

Hoxe os alumn@s de Educación Infantil gozaron dunha sesión de animación á lectura e humor da man do ilustrador David Pintor, un dos integrantes de Pinto e Chinto. A partir do marabilloso libro de " Nicomedes o Pelado" da editorial Kalandraka.Os nen@s pasaron un rato moi agradable cos debuxos que este inxenioso ilustrador ía facendo sobre a cabeza do seu protagonista para disimular a súa repentina calvicie. Unha serpe, un edificio e mesmo unha almofada. Sesión de contacontos e risas. 

Fai clic na imaxe para ver as fotos.


https://www.youtube.com/watch?v=3qIEHK6NMnc

4 de abril de 2017

O mellor refrán do Outeiro

Xa temos o mellor refrán do Outeiro. Despois das votacións feitas no colexio entre os 10 refráns seleccionados de cada clase de Primaria o gañador resultou ser: " Mariñeiro da Ponte, que vento queres levar? Pola mañá vento do norte, pola tarde vento do mar". A verdade que nos chegaron refráns moi interesantes e orixinais que nalgúns casos nin coñeciamos. Grazas familias polas vosas aportacións.



22 de marzo de 2017

Sesión de contacontos con Paco Nogueiras

O luns 20 de marzo, visitounos o actor, músico e narrador Paco Nogueiras. O alumnado de Educación Infantil,  gozou enormemente coas historias e música contadas e cantadas por este excelente narrador. Algúns dos contos escollidos para esta divertida sesión foron Piñeiro, Renato e Mr. Magnolia. Coma sempre, un éxitazo. Grazas Kalandraka. 
Fai clic na imaxe ou AQUÍ para ver as fotos


https://www.youtube.com/watch?v=fWcirbbp_ik
 

17 de marzo de 2017

Día da Muller Traballadora (8 de marzo de 2017)

Así de bonito quedou o mural do "Día da Muller Traballadora" con todas as fotos das nais, avoas, tías e outras mulleres traballadoras do mar do noso entorno. Moitas grazas familias pola vosa colaboración!!




16 de marzo de 2017

Día de Rosalía de Castro

Para conmemorar o "Día de Rosalía de Castro " organizamos dous obradoiros na biblioteca. Nun deles os nenos e nenas fixeron unha medalla de Rosalía e noutro uns quebracabezas con dous poemas da autora: " Adios ríos, adios fontes" e " Na lengua que eu falo".






5 de marzo de 2017

ENTROIDO 2017

Este ano celebramos o entroido no noso centro baixo a temática do mar e este foi o resultado. Aquí tedes un resumo das fotos e os videos dos desfiles. Para ver todas as fotos fai clic AQUI.

https://www.youtube.com/watch?v=FzWkdBtY6NE


INFANTIL: "Bajo el mar" - B.S.O. la sirenita.

https://www.youtube.com/watch?v=oNE40VJVJBI

1º e 2º: "glu glu glu" do grupo galego mamacabra.

https://www.youtube.com/watch?v=M9euVBvKtT4


3º e 4º: "nadando sen parar" do grupo galego mamacabra.

https://www.youtube.com/watch?v=3St6_2Fds9M


5º e 6º: "hawaii 5.0" B.S.O.

https://www.youtube.com/watch?v=DOfiNQg5IyM


22 de febrero de 2017

ORDE DO MECO PARA O XOVES

Esta é a última orde do Meco deste curso, e o venres celebramos o noso Entroido!