Este é o blog de dinamización lingüística que facemos dende a biblioteca do CEIP Outeiro das Penas, o colexio de Cesantes (Redondela).

27 de junio de 2016

EDUCACIÓN INFANTIL FAI CINE

Achégovo o resultado final do traballo levada a cabo no  último curso de Educación Infantil sobre o cine. Estade moi atentas e moi atentos, porque o video remata cunha pequena curta de animación stop-motion feita polo propio alumnado con Mowgli como protagonista.

24 de junio de 2016

MARISCANDO

Unhas das últimas saídas deste curso foi tamén unha das máis bonitas: mariscar. O alumnado de 1º e 2º de Primaria achegouse ata Arcade e o alumnado de 3º de Primaria camiñou ata a lonxa de Cesantes. Unha estupenda e enriquecedora excursión da que vos amosamos agora as fotos.

3º curso
1º e 2º 

23 de junio de 2016

EXCURSIÓN 5º E 6º

A excursión de fin de curso do alumnado de 5º e 6º de Primaria foi un intenso paseo pola cidade da Coruña, onde visitaron a Casa das Ciencias, o Planetario e o Oceanográfico. Realmente un día cheo de ledicia.

EXCURSIÓN 3º E 4º

A excursión de fin de curso do 3º e 4º curso de Primaria foi ao Parque Arqueolóxico de Arte Rupestre de Campo Lameiro, onde aprenderon unha chea de cousas sobre a vida dos nosos antepasados.

EXCURSIÓN 1º E 2º

A excursión de fin de curso de 1º e 2º de Primaria foi unha fantástica viaxe en barco polo Grove, con visita ao acuario incluida. Velaí tedes as fotos.

22 de junio de 2016

OBRADOIROS MATEMÁTICAS

Coas aulas xa rematadas, aínda quedan algunhas entregas fotográficas por publicar...así que non deixedes de visitarnos nestes días.
Unha das entregas pendentes son as fotos do Obradoiro de matemáticas co que o alumnado de 6º aprende dun xeitos moito máis práctico e, por suposto, divertido.

16 de junio de 2016

FESTIVAL LETRAS GALEGAS: AS FOTOS

E agora o resumo fotográfico do Festival das Letreas Galegas 2016. 

Se queredes ver todas as fotos e descargalas, so tedes que premer aquí e acceder ao album.

15 de junio de 2016

FESTIVAL LETRAS GALEGAS 2016. HOMENAXE A MANUEL MARÍA

Xa temos preparados os videos do festival das Letras Galegas, homenaxe a Manuel María
Un estupendo espectáculo, froito dun gran traballo e moitisimo esforzo....eu aínda estou alucinada!!
Preme na imaxe e poderás acceder a cada unha das actuacións e os videos proxectados.

http://musicascativas.wix.com/letrasgalegas2016


5 de junio de 2016

MOITAS GRAZAS, VOLUNTARIAS E VOLUNTARIOS!!

As voluntarias e os voluntarios da biblioteca recibiron hoxe unha sorpresa: un pequeno agasallo en agradecemento polo seu traballo e a súa adicación durante todo este curso. 
Moitísimas grazas a todas e a todos! Foi un pracer contar coa vosa axuda nos tempos de recreo. Agardamos volver a contar con vos o vindeiro curso.



2 de junio de 2016

EXCURSIÓN AOS MUIÑOS DE BAROSA

O pasado martes, o alumnado de Educación Infantil marchou de excursión aos muiños de Barosa. Unha completra saída na que coñeceron o funcionamento dun muiño de auga e puideron elaborar pan ao carón do río. Unha fantástica excursión na que gozamos do lindo.
Podes ver todas as fotos e descargar as túas preferidas no noso album.

27 de mayo de 2016

ÁRBORES NO CAMIÑO

Por fin podemos publicar "Árbores no camiño", a curta de animación que fixemos co alumnado de Infantil dentro da convocatoria "Nós tamén creamos".
Durante un mes tivemos que crear as personaxes, os escenarios, gravar as voces e montar unha curta que dera vida ao libro. Podedes ver todo o proceso de elaboración no making-off.


 E este é o resultado.

20 de mayo de 2016

TODO ME FALA DE TI

Pertencente ao libro-disco "Canta o Cuco", de Uxía e Magín Blanco, un vídeo en clave poética no que unha nena ensina a beleza da nosa terra a un ser tenro e diferente que se sorprende coa marabilla da natureza e coa alegría dunha nova amizade. Dedicado a Manuel María, que nos ensinou tanto sobre nós e sobre Galiza.

19 de mayo de 2016

GRAN ESTRENO

Mañán, venres día 20, ás 9:30, faremos o estreno da curta de animación feita co alumnado de Educación Infantil "Árbores no camiño". Así que xa sabedes, nais e pais, estades convidados. Agardamos por vos.


A CIDADE

Outro dos poemas musicados en "Canta o cuco" por Uxía e Magín.

18 de mayo de 2016

A VACA

Uxía e Magín poñen músicas aos poemas de Manuel María en "Canto o cuco". O alumnado do IES as Barxas de Moaña fai a parte plástica deste vídeo.


16 de mayo de 2016

TELEXORNAL MANUEL MARIA

Informativo monográfico sobre Manuel María realizado no CPI dos Dices-Rois.

12 de mayo de 2016

FESTIVAL DE TÍTERES DE REDONDELA 2016

Xa está aquí!! Vaise achegando o 17 Festival Internacional de Títeres de Redondela. Unha semana na que as rúas de Redondela énchense de monicreques e de músicas, con actuacións para todos os públicos. 
Se queres consultar a programación, só tes que premer na imaxe do novo personaxe.


http://festivaltiteresredondela.es/poliptico%20final.pdf


7 de mayo de 2016

MÁIS CONTOS NO RECREO

Esta semana foi o alumnado de 4º quen preparou "A figueira de Pelostortos", todo un clásico na nosa biblioteca. Unha estupenda lectura que gustou a todas e a todos os presentes.
Moitísimas grazas polo voso traballo....e agardamos impacientes o seguinte!!!

5 de mayo de 2016

ENCONTRO CON ERIKA ESMORÍS

Novo encontro literario. Desta volta foi o alumnado de 5º e 6º curso de Primaria que tivo un encontro con Erika Esmorís, autora de "Nena e o mar" o libro de lectura deste ano.
A escritora faloulles da súa fonte de inspiración e de como enfronta o proceso de creación literaria.
Moitísimas grazas pola túa visita.

4 de mayo de 2016

CANTAMOS OS MAIOS

Ademáis dun fantástico maio, cada clase compuso as súas propias coplas. Queredes ver o resultado? Preme na imaxe e poderás acceder a actuación de cada un dos cursos. 
Parabéns a todas e a todos!

http://musicascativas.wix.com/cantandoosmaios2016

3 de mayo de 2016

ANIMACIÓN Á LECTURA

Xornada de animación á lectura para o alumnado de 1º e 2º curso de Primaria.

30 de abril de 2016

FESTA DOS MAIOS

Moito traballamos durante toda esta semana: recoller fiuncho e pampullo, cortar as frores, coser o fiuncho, coser o pampullo....facer un maio!! E todo o alumando participou traballando a reo, adicando incluso o tempo dos recreos.
Incluso as coplas eran creación delas e deles. E todo para unha fantástica festa dos maios que celebramos o venres gozando dun día do máis primaveral.


Podes ver todas as fotos da preparación do maio premendo aqui e tamén da festa premendo aquí.

28 de abril de 2016

ENCONTRO CON FRAN ALONSO

O alumnado de 3º e 4º curso de Primaria tivo este mércores un fantástico encontro con Fran Alonso, que ten un gato poeta e sabe moito de poesía. Por iso nos contou que a poesía é como un globo...ten catro patas...e moitas cousas máis.Unha conversa moi poética que fixo as delicias do alumnado e do profesorado.
Moitísimas grazas por este paseo polas rúas de mermelada.